विराटचोकः इन्द्रपुर क्रिकेट क्लबको आयोजनामा भएको प्रथम वडास्तरीय क्रिकेट प्रतियोगिताको उपाधि सुन्दरहरैंचा नगरपालिकाको वडा नं १२ ले जितेको छ ।
बुधबार सुकुना बहुमुखी क्याम्पसको खेल मैदानना आयोजित प्रतियोगिताको फाइनल खेलमा वडा नं ९ लाई ८ विकेटले हराउँदै वडा नं १२ ले उपाधी चुमेको हो । टस जितेर ब्याटिङ गरेको वडा नं. ९ ले ११ ओभरमा अलआउट हुँदै ४० रन प्राप्त गरेको थियो ।
४१ रनको लक्ष्य पछ्याउँदै जवाफी ब्याटिङमा उत्रिएको वडा नं १२ ले ७ दशमलव २ ओभरमा उत्कृष्ट ब्याटिङमा खेल सहजै जित्दै उपाधि चुम्न सफल भयो । फाइनल खेलको म्यान अफ द म्याच वडा नं १२ का होम पौडेल घोषित भए ।
सुन्दरहरैंचा नगरपालिकाका प्रवक्ता रोशनप्रसाद ढकाल र नगर खेलकुद समितिका अध्यक्ष खड्ग श्रेष्ठले विजेता टोलीलाई ट्रफी तथा प्रमाणपत्र वितरण गरे ।
प्रतियोगिताको सर्वोत्कृष्ट खेलाडी सुन्दरहरैंचा नगरपालिका वडा नं ९ का अनोज पाठक, बेस्ट व्याट्सम्यान मोतिउर रेहमान, बेस्ट बलर एल्सन बिस्ट, र इमर्जिङ प्लेर साजिद आलम घोषित भए ।
प्रतियोगितामा सुन्दरहरैंचाका १२ टिमको सहभागिता रहेको थियो ।
