विराटचोकः आज सुन र चाँदी दुवैको भाउ घटेको छ । सुनको भाउ तोलामा ५०० रुपैयाँ र चाँदीको भाउ तोलामा ५ रुपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ६० हजार ५०० रुपैयाँ निर्धारण भएको छ । चाँदीको भाउ प्रति तोला १ हजार ९८० रुपैयाँ निर्धारण भएको छ ।
हिजो सुनको भाउ तोलामा ३०० रुपैयाँ घटेको थियो भने चाँदीको भाउ तोलामा ५ रुपैयाँ बढेर हालसम्मकै उच्च मूल्यमा पुगेको थियो । सुनको भाउ भने असोज १८ गते हालसम्मकै उच्च मूल्य १ लाख ६१ हजार ३०० रुपैयाँमा कारोबार भएको थियो ।
