विराटचोकः आज धनतेरसको दिन । यस दिनमा सुन तथा चाँदीका साथै अन्य धातुका गरगहना किन्ने गरिन्छ । आज धनतेरसको दिन सुनको भाउ हालसम्मकै उच्च मूल्यमा पुगेको छ । आज सुनको भाउ तोलामा १ हजार ५०० रुपैयाँ र चाँदीको भाउ तोलामा ४० रुपैयाँ बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ६८ हजार ५०० रुपैयाँ निर्धारण भएको छ । चाँदीको भाउ प्रति तोला २ हजार १०५ रुपैयाँ निर्धारण भएको छ ।
हिजो सुनको भाउ तोलामा ७०० रुपैयाँ र चाँदीको भाउ तोलामा २० रुपैयाँ घटेको थियो ।
यसअघि कात्तिक ११ गते सुनको भाउ हालसम्मकै उच्च मूल्यमा पुगेको थियो भने हिजो कात्तिक १२ गते सो मूल्यबाट घटेको थियो ।
