विराटचोकः आज सुनको भाउ तोलामा २ हजार २०० रुपैयाँ बढेर तोलाको १ लाख ७० हजार ७०० रुपैयाँ पुगेको छ । योसँगै हिजो धनतेरसको दिन कायम भएको सुनको उच्च मूल्यको रेकर्ड आज तोडिएको छ ।
आज चाँदीको भाउ तोलामा १५ रुपैयाँ बढेको छ । यद्यपि यसअघि कायम चाँदीको हालसम्मको उच्च भाउ २१३५ को रेकर्ड भने तोडिएको छैन । कात्तिक ७ गते चाँदीको भाउ हालसम्मकै उच्च मूल्यमा कारोबार भएको थियो ।
नेपाल सुनचाँदी व्यवसायी महासंघका अनुसार आज चाँदीको भाउ प्रति तोला २ हजार १२० रुपैयाँ निर्धारण भएको छ ।
हिजो सुनको भाउ तोलामा १ हजार ५०० रुपैयाँ र चाँदीको भाउ तोलामा ४० रुपैयाँ बढेको थियो ।
