विराटचोकः आज तिहारका कुनै विशेष दिन छैनन् । काग तिहार, कुकुर तिहार, लक्ष्मीपूजा सम्पन्न भइसकेका छन् ।
नेपाल पञ्चाङ्ग निर्णायक विकास समितिका अनुसार औंसीका बेला सूर्योदय भएकाले आजको दिन कुनै पर्व नपरेको हो । कार्तिक शुक्ल प्रतिपदाका दिन गरिने गाई पूजा शनिबार अर्थात् कात्तिक १७ गते परेको छ । औंसीको अन्त्य र प्रतिपदाको शुरुमा गाई पूजा गर्नुपर्ने शास्त्रीय मान्यता रहेकाले आज गाईपूजा नपरेको हो ।
भोलि शनिबार भने गाईगोरु पूजा, गोबरद्धनपूजा, बलिपूजा, हलीतिहार, म्ह (आत्म) पूजा परेका छन् । नेपाल संवत् ११४५ को प्रारम्भ पनि भोलि नै हुन्छ ।
